चिखलीत विश्वासराव नाईक यांना अभिवादन

लोकमत न्यूज नेटवर्क

शिराळा : चिखली (ता. शिराळा) येथे विश्वासराव नाईक भाऊ-चिखलीकर यांच्या पुण्यतिथीनिमित्त त्यांच्या समाधीस्थळी आमदार मानसिंगराव नाईक यांच्यासह मान्यवरांनी अभिवादन केले.

आमदार नाईक म्हणाले, विश्वासभाऊंनी दाखविलेल्या औद्योगिक विकासाच्या व लोकहितवादी विचारांच्या वाटेवर मार्गक्रमण सुरू आहे. सहकारातून समृध्दी आणण्याचे त्यांनी अंगिकारलेले व्रत आजही कायम असून, विश्वास उद्योग समूहाने प्रगतीची अनेक शिखरे पादाक्रांत केली आहेत. शिराळा व शाहूवाडी तालुक्यातील शेतकरी, कष्टकरी सुखी ठेवण्याचाच प्रयत्न केला आहे.

यावेळी लोकनेते फत्तेसिंगराव नाईक दूध संघाचे अध्यक्ष अमरसिंग नाईक, भूषण नाईक, कार्यकारी संचालक राम पाटील, कामगार संचालक दत्तात्रय पाटील, युवराज गायकवाड, सचिन पाटील, भानुदास पाटील, राजू पाटील, दिनकर महिंद, रवी यादव उपस्थित होते.