गुलाबराव पाटील यांना सांगलीत ठिकठिकाणी अभिवादन

लोकमत न्यूज नेटवर्क

सांगली : सहकारतपस्वी गुलाबराव पाटील यांच्या पुण्यतिथीनिमित्त गुरुवारी विविध सहकारी संस्था, बँका व पक्ष, संघटनांच्यावतीने अभिवादन करण्यात आले. यावेळी त्यांच्या आठवणींना उजाळा देण्यात आला.

सांगली जिल्हा मध्यवर्ती सहकारी बँकेच्या आवारातील गुलाबराव पाटील यांच्या पुतळ्याला पुष्पहार अर्पण करून आदरांजली वाहण्यात आली.

काँग्रेसचे शहर जिल्हाध्यक्ष पृथ्वीराज पाटील, काँग्रेसचे उपाध्यक्ष नामदेवराव मोहिते, ज्येष्ठ नेते जे. के. (बापू) जाधव आदींनी आदरांजली वाहिली. यावेळी बाळासाहेब गुरव, बँकेचे सीईओ जयवंत कडू-पाटील, बॅंकेचे सरव्यवस्थापक बी. एम. रामदुर्ग आदी उपस्थित होते.

सांगली जिल्हा काँग्रेस कमिटीमध्ये त्यांच्या प्रतिमेला पुष्पहार अर्पण करून श्रद्धांजली वाहण्यात आली. जिल्हा उपाध्यक्ष नामदेवराव मोहिते आणि ज्येष्ठ नेते बाळासाहेब गुरव यांच्या हस्ते गुलाबराव पाटील यांच्या प्रतिमेला पुष्पहार अर्पण करण्यात आला. यावेळी रवींद्र वळवडे, बिपीन कदम, किरण माने, आप्पासाहेब पाटील, दिलीप पाटील, चंद्रकांत आंबी आदी उपस्थित होते.

बिसूर (ता. मिरज) येथेही अभिवादन करण्यात आले. सरपंच लीलावती पाटील यांच्या हस्ते गुलाबराव पाटील यांच्या प्रतिमेला पुष्पहार अर्पण करण्यात आला. यावेळी संपतराव भगत, बाळासाहेब कोळी, विजय पाटील, रामचंद्र पाटील, नितीन भगत, बाळासाहेब पाटील, लालासाहेब पाटील, कमल घारगे आदी उपस्थित होते.

सहकार प्रशिक्षण केंद्र सांगली येथे संचालक बाळासाहेब गुरव यांच्या हस्ते गुलाबराव पाटील यांच्या पुतळ्यास पुष्पहार अर्पण करण्यात आला. यावेळी यशवंत माळी, बाळासाहेब पाटील, अविराज शिंदे, एन. एच. हूलयालकर, व पदाधिकारी आदी उपस्थित होते.