पेठ नाका येथे नानासाहेब महाडिक यांना अभिवादन

भारतीय जनता पार्टीच्या वाळवा तालुका अध्यक्षपदी धैर्यशील मोरे व इस्लामपूर शहराध्यक्षपदी अशोकराव खोत यांची निवड झाल्याबद्दल त्यांनी पेठ नाका येथे वनश्री नानासाहेब महाडिक यांच्या प्रतिमेस अभिवादन केले.

लोकमत न्यूज नेटवर्क

इस्लामपूूर : भारतीय जनता पार्टीच्या वाळवा तालुका अध्यक्षपदी रेठरेहरणाक्ष येथील धैर्यशील मोरे व इस्लामपूर शहराध्यक्षपदी अशोकराव खोत यांची निवड झाली. याबद्दल त्यांनी पेठ नाका येथे वनश्री नानासाहेब महाडिक यांच्या प्रतिमेस अभिवादन केले.

यावेळी भारतीय जनता युवा मोर्चा प्रदेश उपाध्यक्ष राहुल महाडिक, भाजप महाराष्ट्र प्रदेश कार्यसमिती सदस्य सम्राट महाडिक यांनी निवड झाल्याबद्दल त्यांचे अभिनंदन केले.

राहुल महाडिक म्हणाले, राज्याचे विरोधी पक्षनेते देवेंद्र फडणवीस व प्रदेशाध्यक्ष चंद्रकांत पाटील यांच्या नेतृत्वाखाली वाळवा तालुक्यातील भाजप चांगल्या पद्धतीने कार्यरत आहे. नूतन पदाधिकाऱ्यांनी तालुक्यातील पक्ष वाढीसाठी प्रयत्नशील रहावे. भाजप नेहमीच सर्वसामान्य कार्यकर्त्यांना न्याय व संधी देणारा पक्ष आहे. यावेळी अजित पाटील, संजय हवालदार उपस्थित होते.