सांगलीत बाबासाहेबांना अभिवादन

लोकमत न्यूज नेटवर्क

सांगली : भारतरत्न डॉ. बाबासाहेब आंबेडकर यांच्या महापरिनिर्वाणदिनी विविध संस्था, संघटनांकडून रविवारी अभिवादन करण्यात आले. सांगलीत बसस्थानकानजीक बाबासाहेबांच्या पुतळ्याला आमदार सुधीर गाडगीळ, आयुक्त नितीन कापडणीस, काँग्रेस नेत्या जयश्रीताई पाटील यांनी पुष्पहार अर्पण केला.

डॉ. बाबासाहेब आंबेडकर जयंती महोत्सव समितीच्यावतीने सामुदायिक बुद्धवंदना झाली. यावेळी नितीन गोंधळे, किरण कांबळे, सुरेश दुधगावकर यांच्यासह आंबेडकरी चळवळीतील कार्यकर्ते उपस्थित होते.

महापालिकेच्यावतीने आयुक्त नितीन कापडणीस, उपायुक्त राहुल रोकडे यांनी पुष्पहार अर्पण केला. आमदार सुधीर गाडगीळ, गटनेते युवराज बावडेकर, नगरसेवक जगन्नाथ ठोकळे, काँग्रेसच्या नेत्या जयश्रीताई पाटील, शहर जिल्हाध्यक्ष पृथ्वीराज पाटील, नगरसेवक संतोष पाटील, मंगेश चव्हाण, प्रकाश मुळके, संजय कांबळे, मदनभाऊ युवा मंचचे अध्यक्ष आनंद लेंगरे, शहराध्यक्ष विजय आवळे, किरणराज कांबळे, परशुराम रणधीर, गॅब्रियल तिवडे, ताजुद्दीन शेख, शरद गाडे, भाजपचे अविनाश मोहिते, प्रियानंद कांबळे, नगरसेवक सुब्राव मद्रासी, दीपक कर्वे, राष्ट्रवादीचे माजी नगरसेवक आयुब पटेल आदींसह कार्यकर्ते उपस्थित होते.

चौकट

सफाई कामगार संघटनेतर्फे अभिवादन

संघर्ष सफाई व इतर संघटित आणि असंघटित कर्मचारी संघटनेच्यावतीने मिरजेत डॉ. आंबेडकर यांच्या प्रतिमेस माजी महापौर इद्रिस नायकवाडी व संघटनेचे संस्थापक-अध्यक्ष डॉ. महेशकुमार कांबळे यांच्याहस्ते पुष्पहार अर्पण करून अभिवादन करण्यात आले. यावेळी उपाध्यक्ष शरद सातपुते, दीपक बारिया, मुकादम गणेश धोतरे, सिद्धार्थ कांबळे, राकेश सरवदे, राजू धेंडे, परशुराम कांबळे, अझर मुल्ला, मयूर कांबळे, सनी कांबळे, विशाल बनसोडे उपस्थित होते.