वाळवा तालुका धनगर धर्मपीठाच्या अध्यक्षपदी जयसिंग डांगे

इस्लामपूर : वाळवा तालुका धनगर धर्मपीठाच्या अध्यक्षपदी साखराळे येथील जयसिंग भगवान डांगे यांची नियुक्ती करण्यात आली. यावेळी धर्मपीठाची तालुका कार्यकारिणी घोषित करण्यात आली. साखराळे येथे वाळवा तालुका धनगर धर्मपीठ कार्यकारिणीच्या निवडी करण्यात आल्या.

दत्तात्रय किसन फसाले यांची उपाध्यक्षपदी, बजरंग गावडे यांची कार्याध्यक्षपदी, जयसिंग ज्ञानू काळे यांची सचिवपदी निवड करण्यात आली. अन्य सदस्यांमध्ये उदय नागेश एडके, मनोज गावडे, हणमंत वीरकर, अप्पासाहेब कोळेकर, हणमंत ताटे, सुधीर हुबाले यांचा समावेश आहे. नूतन पदाधिकाऱ्यांना अभिमन्यू टकले यांच्याहस्ते निवडीचे पत्र देऊन गौरविण्यात आले. महाराष्ट्र राज्य धनगर धर्मपीठाचे संस्थापक-अध्यक्ष अभिमन्यू टकले, महाराष्ट्र राज्य अध्यक्ष डॉ. विष्णुपंत गावडे, पश्चिम महाराष्ट्र धर्मपीठाचे बबनराव बरकडे, सातारा जिल्हा धर्मपीठप्रमुख विठ्ठल सजगणे, कोल्हापूरचे अमोल पांढरे, सांगली जिल्हा धर्मगुरू संजय हुबाले, जिल्हा अध्यक्ष विजय हुबाले, पलूस तालुकाध्यक्ष सुनील अप्पा एडके, बाबासाहेब डांगे, अरविंद हुबाले, अनिल माने उपस्थित होते.

फोटो : ०९१२२०२०-आयएसएलएम-साखराळे न्यूज

ओळी- साखराळे (ता. वाळवा) येथे तालुका धनगर धर्मपीठ कार्यकारिणी निवडीप्रसंगी अभिमन्यू टकले, डॉ. विष्णुपंत गावडे, बबनराव बरकडे, विठ्ठल सजगणे, अमोल पांढरे, संजय हुबाले, विजय हुबाले व नूतन अध्यक्ष जयसिंग डांगे उपस्थित होते.