बाेरगाव येथे गुणवंतांचा गाैरव

बोरगाव : बाेरगाव (ता. वाळवा) येथे प्रजासत्ताकदिनी मुंबई मेट्रोचे सरव्यवस्थापक सुनील देसाई व प्रगतिशील शेतकरी अनिल देसाई यांनी आई-वडिलांच्या स्मरणार्थ गुणवंत व नैपुण्यप्राप्त विद्यार्थी-विद्यार्थिनींचा सन्मान केला. बोरगाव हायस्कूलमधील प्राथमिक विद्यालयात माजी सरपंच सुरेश पाटील यांच्या प्रमुख उपस्थितीत हा कार्यक्रम पार पडला.

सुनील व अनिल देसाई यांनी वडील रामचंद्रअण्णा आबासाहेब देसाई व आई इंदुबाई रामचंद्र देसाई यांच्या स्मरणार्थ गुणवंत विद्यार्थी-विद्यार्थिनींना रोख रक्कम व स्मृतिचिन्ह देऊन सन्मानित केले. यावेळी सुनील देसाई म्हणाले, प्रतिकूल परिस्थितीवर मात करून आई-वडिलांनी आम्हाला शिक्षण दिले. परिस्थितीची जाणीव असल्याने व समाजाचे आपण काही देणे लागतो. हा उदात्त हेतू नजरेसमोर ठेवून त्यातून काहीअंशी उतराई होण्यासाठी आपण आम्ही हा उपक्रम राबवत आहाेत.

यावेळी बोरगाव हायस्कूलतर्फे अनिल देसाई व सुनील देसाई यांचा सत्कार करण्यात आला. यावेळी संस्थेचे अध्यक्ष सुरेश पाटील, एस. टी. पाटील, संजय पाटील, डॉ. मुसा मुल्ला, मुख्याध्यापक प्रल्हाद शिंदे, विकास पाटील, उदयसिंह पाटील, शिक्षक, विद्यार्थी उपस्थित होते.

फाेटाे : २७ बाेरगाव १