भिलवडी शिक्षण संस्थेची सभा उत्साहात

भिलवडी : भिलवडी (ता. पलूस) भिलवडी शिक्षण संस्थेची वार्षिक सर्वसाधारण सभा उत्साहात पार पडली. कोरोनाच्या पार्श्वभूमीवर ही सभा ऑनलाईन पद्धतीने घेण्यात आली. संस्थेचे अध्यक्ष विश्वास चितळे अध्यक्षस्थानी होते.

सचिव एस. एन. कुलकर्णी यांनी स्वागत व प्रास्ताविक केले. मागील सभेच्या इतिवृत्त्ताचे वाचन केले. अहवाल सालातील सर्व जमा-खर्चास सर्वानुमते मंजुरी देण्यात आली. सभासदांनी लेखी विचारलेल्या विविध प्रश्नांना संस्था पदाधिकाऱ्यांनी समर्पक उत्तरे दिली.

विश्वास चितळे म्हणाले की, इयत्ता ५ वी ते १२ वीचे वर्ग नियमितपणे सुरू आहेत. कोरोना कालावधित संस्थेच्या सर्व शिक्षकांनी उत्कृष्ट पद्धतीने ऑनलाईन शिक्षणाचे कामकाज केले आहे. याबद्दल त्यांचे अभिनंदन केले.

प्रा. आर. डी. पाटील यांनी आभार मानले. संस्थेचे उपाध्यक्ष डॉ. बाळासाहेब चोपडे, विश्वस्त नानासाहेब चितळे, जे. बी. चौगुले, सुहास जोशी आदींसह सर्व संचालक, विभागप्रमुख, मुख्याध्यापक, प्राचार्य उपस्थित होते.