वसंतनगरमधून मोबाईल चोरीस

सांगली : शहरातील वसंतनगर परिसरात असलेल्या फ्लॅटमधून दोन मोबाईल चोरट्यांनी लंपास केले. मंगळवारी सायंकाळी साडेसातच्या सुमारास ही घटना घडली. याप्रकरणी बालाजी रातुलिंग देवकाते (वय २५) यांनी संजयनगर पोलिसांत फिर्याद दिली. पोलीस अधिक तपास करत आहेत.

---------------------------

आठवडा बाजारातून मोबाईल चोरीस

सांगली : शहरात जुना कुपवाड रोड परिसरात भरणाऱ्या मंगळवार बाजारातून चोरट्याने मोबाईल लंपास केला. मंगळवारी सायंकाळी साडेसातच्या सुमारास ही घटना घडली. याप्रकरणी अज्ञाताविरोधात संजयनगर पोलीस ठाण्यात गुन्हा दाखल करण्यात आला. याप्रकरणी नीलेश प्रकाश वडगावे (वय ४६) यांनी फिर्याद दिली. पोलीस अधिक तपास करत आहेत.

---------------

शासकीय रुग्णालयातून दुचाकी लंपास

सांगली : येथील शासकीय रुग्णालय परिसरात लावलेली दुचाकी (एमएच १० बीडी ७४१०) चोरट्याने चोरून नेली. शनिवारी रात्री ही चोरी झाली. याप्रकरणी अमोल विजय कांबळे (वय ४०) यांनी फिर्याद दिली. विश्रामबाग पोलीस अधिक तपास करत आहेत.