राष्टÑवादीची ढकलगाडी, कॉँग्रेसची बैलगाडी-- स्वतंत्र आंदोलने

सांगली : इंधन दरवाढीच्या विरोधात मंगळवारी कॉँगे्रसने ‘बैलगाडी’, तर राष्टÑवादीने ‘ढकलगाडी’ मोर्चा काढून केंद्र व राज्य शासनाच्या धोरणाचा निषेध व्यक्त केला.

ठळक मुद्देइंधन दरवाढीबद्दल केंद्र, राज्य शासनाचा निषेध,कार्यकर्त्यांची जोरदार निदर्शनेसध्या पेट्रोलचा दर क्रुड आॅईलच्या दराचा विचार करता ३५ ते ४० रुपये प्रतिलिटर असायला हवा होता

लोकमत न्यूज नेटवर्क
सांगली : इंधन दरवाढीच्या विरोधात मंगळवारी कॉँगे्रसने ‘बैलगाडी’, तर राष्टÑवादीने ‘ढकलगाडी’ मोर्चा काढून केंद्र व राज्य शासनाच्या धोरणाचा निषेध व्यक्त केला. दरवाढ मागे घेतली नाही, तर पुन्हा तीव्र आंदोलन करण्याचा इशारा आंदोलनकर्त्यांनी यावेळी दिला.

कॉँग्रेसचा मोर्चा झुलेलाल चौकातून शास्त्री चौकापर्यंत आला. याठिकाणी केंद्र व राज्य शासनाच्या निषेधार्थ जोरदार घोषणा देण्यात आल्या. एका बैलगाडीत मोटारसायकल टाकून इंधन दरवाढीचा प्रतिकात्मक निषेध व्यक्त करण्यात आला. ‘मोदीजी आता तुमच्यावर जनतेचा भरोसा हाय का? असा सवाल व्यक्त करणारे फलकही झळकविण्यात आले. झुलेलाल चौकातील एका सभागृहात मोर्चापूर्वी कॉँग्रेसची सभा पार पडली.

या सभेत कॉँग्रेसचे शहर जिल्हाध्यक्ष पृथ्वीराज पाटील म्हणाले की, इंधन दरवाढीतून केंद्र सरकारने सर्वसामान्य जनतेचे कंबरडे मोडले आहे. सध्या राज्यात पेट्रोलचा दर ८० रुपये, तर डिझेलचा दर ६२.३६ इतका आहे. अडीच महिन्यात पेट्रोलच्या दरात १६ रुपये, तर डिझेल दरात ४ रुपयांनी वाढ झाली आहे. इंधन दरवाढीचा प्रत्यक्ष, अप्रत्यक्ष फटका सामान्य लोकांना बसत आहे. कॉँग्रेसच्या काळात १०५ डॉलर प्रति बॅरेल क्रुड आईलचा दर असताना पेट्रोलचा दर ६० रुपये प्रतिलिटर होता. आता भाजपच्या काळात क्रुड आॅईलचे दर ५० डॉलर प्रति बॅरेल असताना पेट्रोलचा दर मात्र ८० रुपयांच्या घरात गेला आहे. इंधन दरवाढीतून सरकारला मोठे घबाड लागले आहे. सध्या पेट्रोलचा दर क्रुड आॅईलच्या दराचा विचार करता ३५ ते ४० रुपये प्रतिलिटर असायला हवा होता, मात्र दर वाढतच चालले आहेत.

राज्य शासनानेही भरीस भर म्हणून या दरात आणखी वाढ केली आहे. अन्य राज्यांचा विचार केला, तर दिल्लीत ७०, कोलकाता ७३, चेन्नई ७२, गोवा ६४ रुपये आणि कर्नाटकात ७१ रुपये पेट्रोल आहे. मुख्यमंत्री देवेंद्र फडणवीस यांच्या कृपेने महाराष्टÑात हाच दर ८० रुपयांच्या घरात आहे.
यावेळी नगरसेवक राजेश नाईक, शेवंता वाघमारे, पुष्पलता पाटील, मंगेश चव्हाण, करीमभाई मेस्त्री, रवी खराडे, निसार संगतरास, अल्ताफ शिकलगार, किरणराज कांबळे, पैगंबर शेख, राजन पिराळे, जावेद शेख, रावसाहेब माणकापुरे, बी. जी. बनसोडे आदी सहभागी झाले होते.


राष्टÑवादीचे आंदोलन : जिल्हाधिकाºयांना निवेदन
राष्टÑवादीच्या शहर जिल्हा कार्यकारिणीच्यावतीने ढकलगाडी मोर्चा काढण्यात आला. यामध्ये आंदोलनकर्त्यांनी त्यांची दुचाकी वाहने ढकलत जिल्हाधिकारी कार्यालयापर्यंत नेली. जिल्हाधिकाºयांना त्यांनी निवेदन दिले. निवेदनात म्हटले आहे की, केंद्र सरकारने गॅस, पेट्रोल व डिझेलच्या दरात जी वाढ केली आहे, ती अन्यायी आहे. सामान्य माणसांना या दरवाढीने जगणे मुश्किल झाले आहे. सामान्य व गोरगरीब जनतेचा विचार न करणाºया शासनाचा आम्ही निषेध व्यक्त करीत आहोत. ही दरवाढ तातडीने मागे घ्यावी, अन्यथा आम्ही पुन्हा तीव्र आंदोलन करू, असा इशारा त्यांनी दिला. आंदोलनात युवक राष्टÑवादीचे अध्यक्ष राहुल पवार, संदीप व्हनमाने, मोहसीन सय्यद, कैस शेख, परवेज मुलाणी, अनिल जाधव, अजिंक्य पाटील, सुमित ढेरे, डॉ. शुभम जाधव, विशाल हिप्परकर, पंकज बनसोडे आदी सहभागी झाले होते.

केंद्रीय मंत्र्यांचा निषेध
केंद्रीय पर्यटनमंत्री के. जे. अल्फोन्स यांनी इंधन दरवाढीसंदर्भात मत मांडताना, या दरवाढीने सामान्य जनता उपाशी राहणार नसल्याचे वक्तव्य केले होते. कॉँग्रेस कार्यकर्त्यांनी मंगळवारी या वक्तव्याचा निषेध केला. असंवेदनशील सरकारमधील असंवेदनशील मंत्र्यांना आवर घालण्याची मागणी करण्यात आली.