इस्लामपुरात राष्ट्रवादी पदवीधर संघटनेकडून इंधन दरवाढीचा निषेध

इस्लामपूर : केंद्र सरकारने केलेल्या पेट्रोल व डिझेल दरवाढीचा येथील राष्ट्रवादी पदवीधर संघटनेच्यावतीने निषेध करण्यात आला. प्रदेश राष्ट्रवादी पदवीधरचे सरचिटणीस विशाल सूर्यवंशी, राष्ट्रवादीचे शहराध्यक्ष शहाजी पाटील यांच्या नेतृत्वाखाली आंदोलन झाले. तहसीलदार रवींद्र सबनीस यांना निवेदन देण्यात आले.

सध्या केंद्र सरकारने आंतरराष्ट्रीय बाजारात कच्च्या तेलाच्या किमती कमी होत असतानाही पेट्रोल व डिझेलच्या दरामध्ये वाढ केलेली आहे. यामुळे जीवनावश्यक वस्तूंच्या वाहतुकीचे दरही वाढले आहेत. या इंधन दरवाढीचा राष्ट्रवादी पदवीधर संघाच्यावतीने निषेध करण्यात आला. केंद्र सरकारने ही दरवाढ तात्काळ थांबवून जनतेला दिलासा द्यावा, अशी मागणी करण्यात आली.

यावेळी नगरसेवक डॉ. संग्राम पाटील, विभागीय अध्यक्ष जितेंद्र पाटील, जिल्हाध्यक्ष प्रवीण डबाणे, लखन पवार, राहुल डांगे, अमोल माळी, इंद्रजित पाटील, रणजित सावंत, विशाल माने उपस्थित होते.

फोटो - २११२२०२०-आयएसएलएम- इस्लामपूर न्यूज :

इस्लामपूर येथे राष्ट्रवादी पदवीधर संघटनेच्यावतीने इंधन दरवाढीचा निषेध करण्यात आला. यावेळी नगरसेवक डॉ. संग्राम पाटील, विशाल सूर्यवंशी, जितेंद्र पाटील, प्रवीण डबाणे, लखन पवार, राहुल डांगे उपस्थित होते.