कवलापूरचा वृध्द अपघातात जखमी

सांगली : शहरातील फळ मार्केटसमोर झालेल्या अपघातात कवलापूर (ता.मिरज) येथील वृध्द जखमी झाला. बाळासाहेब तुकाराम मोहिते (वय ७५, रा. कवलापूर असे जखमीचे नाव आहे. बुधवारी दुपारी अडीचच्या सुमारास हा प्रकार घडला. त्यांना उपचारांसाठी शासकीय रुग्णालयात दाखल करण्यात आले आहे.

---

सांगलीवाडीत एकास मारहाण

सांगली : सांगलीवाडी येथील एकास चौघांकडून मारहाण करण्यात आली. लक्ष्मण सिध्दू करपे (वय ४२) असे जखमीचे नाव असून त्यांना उपचारांसाठी शासकीय रुग्णालयात दाखल करण्यात आले आहे.

---

मरळनाथपूर येथील एकास विषबाधा

सांगली : मरळनाथपूर (ता. वाळवा) येथील दिनकर महिपती खोत (वय ७८) यांना विषबाधा झाली. मंगळवारी रात्री साडेनऊच्या सुमारास हा प्रकार घडला. त्यांना सांगलीच्या शासकीय रुग्णालयात उपचारांसाठी दाखल करण्यात आले आहे.

---

करगणीत एकास मारहाण

सांगली : करगणी (ता. आटपाडी) येथे एकास तीन-चार जणांकडून मारहाण करण्यात आली. यात आनंदराव बापूराव सरगर (वय ४०) हे जखमी झाले. मंगळवारी दुपारी दोनच्या सुमारास हा प्रकार घडला. त्यांना उपचारांसाठी शासकीय रुग्णालयात दाखल करण्यात आले आहे.

---