सांगलीत एकास सर्पदंश

सांगली : शहरातील शंभरफुटी रोड परिसरात एकास सर्पदंश झाला. सफीउल्ला मतीन मुनसी (वय ३१) असे त्याचे नाव असून शुक्रवारी दुपारी साडेबाराच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.

----------------------------------

रिक्षाच्या धडकेत एक जखमी

सांगली : विटा रोडवर रिक्षाने धडक दिल्याने तरुण जखमी झाला. मनोज नाना भोकरे (वय ३०, रा. शिरगाव, ता. तासगाव) असे जखमी तरुणाचे नाव असून शुक्रवारी सकाळी सहाच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.

--------------------------

डफळापूरमध्ये मुलगा जखमी

सांगली : डफळापूर (ता. जत) येथे दुचाकीवरून पडून १३ वर्षीय मुलगा जखमी झाला. सारंग किरण कोळी असे त्याचे नाव असून शुक्रवारी सकाळी साडेनऊच्या सुमारास हा अपघात घडला. त्यास उपचारासाठी शासकीय रुग्णालयात दाखल करण्यात आले आहे.

---------------------------------

मिरजेत एकास मारहाण

सांगली : मिरज येथील सोहेेल बाबासाहेब मु्ल्ला (वय ४४) यांना दोघांनी मारहाण केली. गुरुवारी रात्री अकराच्या सुमारास ही घटना घडली. त्यांना उपचारासाठी शासकीय रुग्णालयात दाखल करण्यात आले आहे.

---------------------------------

इंदिरानगरमध्ये तरुणास मारहाण

सांगली : शहरातील इंदिरानगरमध्ये तरुणास तिघांनी मारहाण केली. विनायक दत्तात्रय पाटील (वय ३१) असे जखमी तरुणाचे नाव असून गुरुवारी रात्री नऊच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.

--------------------------------

बावचीमध्ये एकास सर्पदंश

सांगली : बावची (ता. वाळवा) येथील तरुणास सर्पदंश झाला. अनिल प्रेमसिंग जाधव (वय २७) असे तरुणाचे नाव असून गुरुवारी सायंकाळी साडेपाचच्या सुमारास ही घटना घडली. नातेवाईकांनी त्यास उपचारासाठी शासकीय रुग्णालयात दाखल केले आहे.