शिरटे येथे शनिवारी रक्तदान शिबिराचे आयोजन

शिरटे : शिरटे (ता.वाळवा) येथील स्वराज्य सोशल फाउण्डेशन व ग्रामपंचायत यांच्या संयुक्त विद्यमाने शनिवारी (दि. २४) सकाळी ९ ते १ या वेळेत श्री सीतादेवी मंदिराच्या प्रांगणात महारक्तदान शिबिराचे आयोजन करण्यात आले आहे.

संपूर्ण जगभरामध्ये कोरोना महामारीने थैमान घातले आहे. या कोरोना विरोधाच्या लढाईत सर्व जनजीवन ठप्प आहे. राज्यात पुढचे काही दिवस पुरेल इतकाच मर्यादित रक्तसाठा शिल्लक राहिला आहे. आरोग्य यंत्रणांकडून राज्यात रक्तदान शिबिराचे आयोजन करावे, असे आवाहन करण्यात येत आहे. या आवाहनास प्रतिसाद देत शिरटे येथे आयोजन करण्यात येत आहे.

कोरोनाविरोधाच्या लढ्यात उत्स्फूर्तपणे उतरून जास्तीत जास्त रक्तदात्यांनी रक्तदान करून सामाजिक बांधिलकी जपण्याचे आवाहन स्वराज्य सोशल फाउण्डेशन व ग्रामपंचायतीच्या वतीने करण्यात आले आहे.