शेटफळेत मिनी कोविड सेंटरला ऑक्सिजन कॉन्सन्ट्रेटर भेट

करगणी : शेटफळे (ता. आटपाडी) तालुक्यातील मिनी कोविड केअर सेंटरला पंडित जवाहरलाल नेहरू हायस्कूलच्या १९९३-९४च्या बॅचने ऑक्सिजन कॉन्सन्ट्रेटर भेट देत माणुसकी जपली. आटपाडी पोलीस ठाण्याचे उपनिरीक्षक अजित पाटील यांच्या हस्ते शेटफळे आरोग्य उपकेंद्राच्या डॉ. सुरेखा देशमुख यांच्याकडे हे मशीन सुपूर्द करण्यात आले.

यावेळी अजित पाटील म्हणाले, शाळेच्या माजी विद्यार्थ्यांनी आपली नाळ अजूनही गावाशी व आपल्या वर्गातील मित्रांशी जपली आहे. हे आदर्श उदाहरण आहे. यावेळी आरोग्यसेवक नानासाहेब चवरे, ग्रामविकास अधिकारी लखन सनदी, ग्रामपंचायत सदस्य विजय देवकर उपस्थित होते. धनाजी गायकवाड यांनी स्वागत केले. कार्यक्रमाला लखन सनदी, राजेश गायकवाड, उल्हास कांबळे, बाजीराव गायकवाड, धनाजी गायकवाड, अशोक गायकवाड, राजेश गायकवाड, विजय गायकवाड, सुभाष गायकवाड, संजय जवळे, आदी उपस्थित होते.