आष्ट्यात वृक्षारोपण

आष्टा : जागतिक वसुंधरा दिनानिमित्त मराठा ऑर्गनायझेशनतर्फे आष्टा शहरात नगराध्यक्षा स्नेहा माळी, अजय शिंदे, जिजामाता बालक मंदिरचे दत्तात्रय डफळे, पालिका अधिकारी आसावरी सुतार यांच्या हस्ते वृक्षारोपण करण्यात आले.

जिजामाता बालक मंदिरसह हनुमाननगर, रामनगर, दत्त वसाहत, गांधीनगर, कडेगाव, पलूस, वाळवा या ठिकाणी वृक्षारोपण करण्यात आले.

नगराध्यक्षा स्नेहा माळी म्हणाल्या, शहरातील प्रत्येक नागरिकांनी घरोघरी वृक्षारोपण करणे काळाची गरज आहे. मराठा ऑर्गनायझेशनच्या कार्यकर्त्यांनी राबविलेला उपक्रम कौतुकास्पद आहे.

यावेळी माजी नगरसेवक प्रभाकर जाधव, प्रा. बाबासाहेब सोलनकर, श्रेयश शिराळकर, ज्योती शेटे, मेघा मुळीक, सुजाता पठाने, श्रीधर देशमुख, किरण देशमुख, अमोल देशमुख उपस्थित होते

फोटो : ०५ आष्टा ३

ओळ : आष्टा येथील जिजामाता शाळेत नगराध्यक्षा स्नेहा माळी, प्रभाकर जाधव, अजय शिंदे, दत्तात्रय डफळे, श्रद्धा लांडे, प्रतिभा पेटारे यांच्या हस्ते वृक्षाराेपण करण्यात आले.