वाळवा तालुक्यात कृषी दिनानिमित्त हजार रोपांची लागवड

इस्लामपूर येथे पंचायत समितीच्या आवारात सभापती शुभांगी पाटील, उपसभापती नेताजीराव पाटील यांच्याहस्ते वृक्षारोपण करण्यात आले. यावेळी विजय पाटील, शशिकांत शिंदे आदी उपस्थित होते.

लोकमत न्यूज नेटवर्क

इस्लामपूर : राज्यातील हरितक्रांतीचे प्रणेते, माजी मुख्यमंत्री वसंतराव नाईक यांच्या जयंतीनिमित्त वाळवा पंचायत समितीच्यावतीने तालुक्यातील विविध ग्रामपंचायतींमार्फत एक हजार रोपांची लागवड करण्यात आली. पंचायत समिती परिसरात सभापती शुभांगी पाटील, उपसभापती नेताजीराव पाटील यांच्याहस्ते वृक्षारोपण करण्यात आले.

गटविकास अधिकारी शशिकांत शिंदे, तालुका कृषी अधिकारी भगवानराव माने यांच्याहस्ते वसंतराव नाईक यांच्या प्रतिमेचे पूजन करण्यात आले. यावेळी सहायक गटविकास अधिकारी अजिंक्य कुंभार, राजारामबापू कारखान्याचे उपाध्यक्ष विजयराव पाटील, कृषी अधिकारी भानुदास वरेकर, विस्तार अधिकारी विजय पाटील, ऋषिकेश कुंभार, अमोल कोळी, एस. के. कारंडे उपस्थित होते.