दुधोंडीत पती-पत्नीला विषबाधा

सांगली : पलूस तालुक्यातील दुधोंडी येथील पती-पत्नीने विषबाधा झाली आहे. राहुल मधुकर साळुंखे (वय ३२) व वर्षा राहुल साळुंखे (२७) अशी त्यांची नावे आहेत. दोघांनाही उपचारासाठी सांगलीच्या शासकीय रुग्णालयात दाखल करण्यात आले आहे. विषबाधेचे कारण समजू शकले नाही. बुधवारी दुपारी एकच्यासुमारास हा प्रकार घडला. त्यांना तात्काळ उपचारासाठी शासकीय रुग्णालयात दाखल करण्यात आले आहे.

---

म्हैसाळला सायकलवरून पडून वृध्द जखमी

सांगली : अंबिकानगर (म्हैसाळ) येथे सायकलवरून पडून वृध्द जखमी झाले. रामचंद्र गोविंद नाईक (वय ६५) असे त्यांचे नाव असून, त्यांना उपचारासाठी शासकीय रुग्णालयात दाखल करण्यात आले आहे.

---

बावचीच्या तरुणास विषबाधा

सांगली : बावची (ता. वाळवा) येथील तरुणास विषबाधा झाली. अभिजित शिवाजी लाटणे (वय २०) असे त्याचे नाव असून, बुधवारी दुपारी बाराच्यासुमारास हा प्रकार घडला. त्यास उपचारासाठी शासकीय रुग्णालयात दाखल करण्यात आले आहे.

---

सांगलीत अपघातात एक जखमी

सांगली : शहरातील शंभरफुटी रोडवर झालेल्या अपघातात एकजण जखमी झाला. खंडू बापू कांबळे (वय ४०, रा. आंबेडकरनगर) असे त्यांचे नाव असून, त्यांना उपचारासाठी शासकीय रुग्णालयात दाखल करण्यात आले आहे.

---