खासगी कार्यालये, सभागृहात आता ५० टक्के कर्मचाऱ्यांची उपस्थिती

सांगली : राज्यात वाढत असलेल्या कोरोना संसर्गाच्या पार्श्वभूमीवर आता शासनाने काही नियम घातले आहेत. त्यात राज्य शासनाने आरोग्य व अत्यावश्यक सेवा वगळता सर्व खासगी कार्यालये व आस्थापनांमध्ये ५० टक्के कर्मचारी उपस्थिती ठेवण्याचे आदेश देण्यात आले आहेत.

दरम्यान, सर्व शासकीय व निमशासकीय कार्यालयांच्या विभाग व कार्यालय प्रमुखांनी कोरोना स्थिती लक्षात घेऊन त्यांच्या कार्यालयातील कर्मचाऱ्यांची उपस्थिती किती ठेवायची ते निश्चित करावे, असेही या आदेशात म्हटले आहे.

जिल्ह्यातील नाट्यगृहे व सभागृहांमध्येही आता ५० टक्के उपस्थिती असणार आहे. त्यांचा उपयोग धार्मिक, सामाजिक, राजकीय, सांस्कृतिक मेळावे व सभा अशा इतर कारणांसाठी करता येणार नाही, असेही आदेशात म्हटले आहे. त्याची अंमलबजावणी सुरू होणार आहे.