तानंगमध्ये तीनपानी जुगार अड्डयावर छापा

कुपवाड : तानंग (ता. मिरज) येथील तानंग फाट्यालगत मोकळ्या जागेत सुरू असलेल्या तीनपानी जुगार अड्डयावर बुधवारी कुपवाड व मिरज ग्रामीण पोलीस ठाण्याच्या पथकाने छापा टाकून अकराजणांना अटक केली. छाप्यात ६ लाख ७२ हजार ८६० रुपयांचा मुद्देमाल जप्त केला आहे.

अटक करण्यात आलेल्यांमध्ये महंमदअली शरीफुलहसन पटेल (वय ४०, रा. मिरज), चंद्रकांत आदिनाथ उपाध्ये (३५, रा. वखारभाग, सांगली), महेंद्र चौगोंडा कांबळे (४५, रा. कळंबी), रियाज शमशुद्दीन बेग (५०, रा. मिरज), अरुण विष्णू कांबळे (४५, रा. शिरोळ), अकबर बाबासाहेब लवगे (४४, रा. मिरज), जिनगोंडा बापू पाटील (६०, रा. कळंबी), दगडू विठ्ठल भोरे (६०, रा. कांचनपूर), आनंद विलास कवडे (४०, रा. मिरज), सज्जाद मन्सूर मोमीन (५०, रा. मिरज), मारुती नरसिंग बरगाले (७०, रा. मिरज) यांचा समावेश आहे.

तानंग फाट्यालगतच्या मोकळ्या जागेत बुधवारी सायंकाळी सात वाजता तीनपानी जुगार अड्डा सुरू असल्याची माहिती कुपवाड व मिरज ग्रामीण पोलीस ठाण्याच्या पथकाला समजली. पथकाने तात्काळ येथे छापा टाकला. कारवाईत अकरा जणांना अटक करण्यात आलीौ छाप्यात ६ लाख ७२ हजार ८६० रुपयांचा मुद्देमाल जप्त केला आहे. हवालदार एस. बी. गव्हाणे तपास करीत आहेत.