दस्तनोंदणी शनिवारीही सुरू राहणार

सांगली : शासनाने डिसेंबरअखेरपर्यंत दस्त नोंदणीसाठी मुद्रांक शुल्कात ३ टक्के सवलत घोषित केलेली आहे. तिचा लाभ जास्तीत जास्त नागरिकांना घेता यावा, यासाठी दस्त नोंदणी प्रत्येक शनिवारी सुरू राहणार आहे.

मिरज, वाळवा-इस्लामपूर, विटा, तासगाव, आटपाडी, कडेगाव, पलूस, शिराळा, आष्टा, कवठेमहांकाळ, जत येथील निबंधक कार्यालयांत प्रत्येक शनिवारी म्हणजे ५, १२, १९ व २६ डिसेंबर या सुटीच्या दिवशीही दस्त नोंदणी सुरू राहील. याचा लाभ घेण्याचे आवाहन मुद्रांक उपजिल्हाधिकारी साहेबराव दुतोंडे यांनी केले आहे.

----------------------