इस्लामपूर बाजार समितीत अविनाश पाटील, बाबासाहेब मुळीक यांचा सत्कार

इस्लामपूर : येथील कृषी उत्पन्न बाजार समितीस राष्ट्रवादी काँग्रेसचे जिल्हाध्यक्ष अविनाश पाटील व कार्याध्यक्ष बाबासाहेब मुळीक यांनी गुरुवारी सदिच्छा भेट दिली. यावेळी सभापती अल्लाउद्दीन चौगुले यांनी त्यांचे स्वागत केले.

अविनाश पाटील यांनी जिल्ह्यातील सर्व बाजार समित्यांनी एकत्र येऊन उत्पन्नवाढीसाठी विशेष प्रयत्न करावेत, असे मत व्यक्त केले. बाबासाहेब मुळीक म्हणाले, सध्याचा केंद्र शासनाचा कायदा बाजार समित्यांना मारक असून, त्याविरोधात सर्व घटकांनी एकत्र येऊन विरोध करावा.

यावेळी राष्ट्रवादीचे सरचिटणीस बाळासाहेब पाटील, माजी सभापती आनंदराव पाटील, संचालक शंकरराव खांबे, सुभाष शिंगटे, कलगोंडा पाटील, संदीप पाटील व सचिव विजय जाधव उपस्थित होते. उपसभापती सुरेश गावडे यांनी आभार मानले.

फोटो ३११२२०२०-आयएसएलएम-बाजार समिती न्यूज

इस्लामपूर येथील बाजार समितीमध्ये अविनाश पाटील व बाबासाहेब मुळीक यांचा सत्कार करण्यात आला. यावेळी सभापती अल्लाउद्दीन चौगुले, उपसभापती सुरेश गावडे, आनंदराव पाटील, शंकरराव खांबे उपस्थित होते.