लक्ष्मीनगरमध्ये आरोग्य तपासणी शिबिरास प्रतिसाद

फोटो ओळ : कुपवाडमध्ये आरोग्य तपासणी शिबिराप्रसंगी नगरसेवक राजेंद्र कुंभार, कल्पना कोळेकर, कृष्णा राठोड, आदी उपस्थित होते.

लोकमत न्यूज नेटवर्क

कुपवाड : शहरामधील प्रभाग आठचे नगरसेवक राजेंद्र कुंभार यांच्या वाढदिवसानिमित्त लक्ष्मीनगर येथे मोफत आरोग्य तपासणी शिबिराचे आयोजन केले होते. या शिबिरास परिसरातील नागरिकांतून उत्स्फूर्त प्रतिसाद मिळाला असून, सुमारे दीडशे जणांनी या शिबिराचा लाभ घेतला.

नगरसेवक राजेंद्र कुंभार यांच्या वाढदिवसानिमित्त सिनर्जी मल्टिस्पेशालिटी हॉस्पिटलमार्फत मोफत आरोग्य शिबिराचे उद्घाटन स्वातंत्र्यसैनिक माधवराव माने यांच्या हस्ते करण्यात आले. यावेळी नगरसेवक राजेंद्र कुंभार, नगरसेविका कल्पना कोळेकर, सोनाली सागरे, कृष्णा राठोड, महेश सागरे, सुनील कुंभार, अनिल माने, आदींसह भागातील ज्येष्ठ नागरिक उपस्थित होते. या आरोग्य शिबिरात ईसीजी तपासणी, ब्लडप्रेशर, रक्तातील साखरेचे प्रमाण यांसह शरीरातील महत्त्वाच्या मोफत तपासण्या करण्यात आलेल्या आहेत.