संकेत पाटील यांचे यश युवकांना प्रेरणा देणारे : वैभव शिंदे

संकेत पाटील यांचा सत्कार करताना वैभव शिंदे, सागर जगताप, दत्तराज हिप्परकर, सुमित पाटील, वरदराज शिंदे.

लोकमत न्यूज नेटवर्क

आष्टा : आष्ट्यातील उद्योजक संकेत पाटील यांनी जिद्द व चिकाटीच्या जोरावर उद्योग क्षेत्रात यश मिळवले आहे. त्यांचे यश युवकांना प्रेरणा देणारे आहे, असे प्रतिपादन राजाराम शिक्षण संस्थेचे अध्यक्ष वैभव शिंदे यांनी केले.

संकेत पाटील यांनी उद्योग क्षेत्रात काम करताना अथक परिश्रमामुळे राष्ट्रीय पातळीपर्यंत मजल मारली. याबद्दल त्यांचा वैभव शिंदे यांच्या हस्ते सत्कार करण्यात आला. यावेळी संकेत पाटील म्हणाले, सुरुवातीच्या काळात माजी आमदार दिवंगत विलासराव शिंदे यांनी उद्योग करण्याचा सल्ला दिला होता तो कामी आला. वैभव शिंदे, झुंजारराव पाटील, प्रीतम चौगुले यांचेही वेळोवेळी मार्गदर्शन लाभले. यावेळी वरदराज शिंदे ,सागर जगताप, दत्तराज हिप्परकर, सुमित पाटील, रावसाहेब वाडकर उपस्थित होते.