बामणोली व्यापारी संघटनेच्या अध्यक्षपदी संतोष सरगर

कुपवाड : बामणोली शहर व्यापारी संघटनेच्या

अध्यक्षपदी संतोष सरगर याची निवड करण्यात आली तर उपाध्यक्षपदी जगन्नाथ पाटील व दुडाप्पा पारसे यांची निवड करण्यात आली.

बामणोली शहर व्यापारी संघटनेच्या संघटनेच्या वार्षिक सर्वसाधारण सभेत या निवडी करण्यात आल्या. याप्रसंगी निवड झालेल्या पदाधिकाऱ्यांचा अनिल कवठेकर व अमर दिडवळ यांच्या हस्ते सत्कार करण्यात आला. यावेळी नूतन अध्यक्ष संतोष सरगर म्हणाले की, बामणोली व्यापारी संघटनेच्या माध्यमातून व्यापाऱ्यांच्या अडचणी सोडविण्यासाठी सर्वतोपरी प्रयत्न करणार आहे. संघटनेने महापुराच्या काळात जीवनावश्यक वस्तूंचे किट तयार करून जिल्हाधिकारी कार्यालयास प्रदान केले होते. कोरोनाच्या काळात बामणोली येथील गरीब गरजू कुटुंबीयांना जीवनावश्यक वस्तूंचे किट वाटप करण्यात आले याची माहिती दिली.

निवड करण्यात आलेल्या कार्यकारिणीमध्ये सचिवपदी मनोज ठेंगील, सहसचिवपदी आदिनाथ नरुटे, खजिनदारपदी रोहित शिंदकर, सहखजिनदार म्हणून संजय पाटील यांचा समावेश आहे. यावेळी सर्व नवीन पदाधिकाऱ्यांचा रोपे देऊन सत्कार करण्यात आला. यावेळी अध्यक्ष संतोष सरगर यांनी स्वागत केले. कार्यक्रमास सुनील पाटील, राजू जाधव, पांडुरंग शिंदे, राम बामणे, महादेव पाटील, सदाशिव माळकोटी,अमोल बामणे, दीपक माळी आदी उपस्थित होते.

फोटो ओळ :- बामणोली व्यापारी संघटनेच्या वार्षिक सर्वसाधारण सभेत नूतन पदाधिकाऱ्यांचा सत्कार करण्यात आला. यावेळी संतोष सरगर,जगन्नाथ पाटील, मनोज ठेंगील उपस्थित होते.