मणेराजुरी येथे शिवसंपर्क अभियान मेळावा

मणेराजुरी : सर्वसामान्य जनतेचे प्रश्न सोडविण्यासाठी शिवसेना कटिबद्ध असल्याचे प्रतिपादन तासगाव तालुकाप्रमुख प्रदीप माने यांनी शिवसंपर्क अभियानप्रसंगी केले.

शिवसेना मणेराजुरी शाखेच्या वतीने शिवसंपर्क अभियानाचे आयोजन विलास जमदाडे व अरविंद जमदाडे यांनी केले होते. जिल्हाप्रमुख संजय विभूते उपस्थित होते. माने म्हणाले की, मणेराजुरीतील शिवसेनेची शाखा ही पंचवीस वर्षांपासून कार्यरत आहे. कोणतीही सत्ता नसताना शिवसैनिक सर्वसामान्यांच्या प्रश्नासाठी नेहमी धावून जात आहेत. तालुक्यात गाव तिथे शाखा व घर तिथे शिवसैनिक, असा संकल्प राबविणार आहोत. जिल्हाप्रमुख विभूते यांनी सर्व शासकीय योजना तळागाळापर्यंत पोहोचविण्यासाठी प्रत्येक शिवसैनिकाने प्रयत्न करावेत, असे आवाहन केले.

यावेळी अमर जमदाडे यांनी स्वागत केले. उपजिल्हासंघटक साहेबराव पाटील, सांगली शहरप्रमुख महेंद्र भाऊ चंडाळे, तासगाव शहरप्रमुख विशाल शिंदे, महिला आघाडी तालुकाप्रमुख मनीषाताई पाटोळे, सुशांत पैलवान, माजी तालुकाप्रमुख ज्ञानेश्वर चव्हाण, विलास जमदाडे, नितीन राजमाने, राजू मुल्ला, तुषार धाबुगडे, अभिजित जमदाडे, राजू काळे, दिलीप जमदाडे, विजय सपकाळ, निखिल जमदाडे, कुंडलिक जमदाडे, संतोष जमदाडे उपस्थित होते.