सिंगल क्राईम बातम्या

सांगली : घोड्याने लाथ मारल्याने भिलवडी येथील मुलगा जखमी झाला. जाकीर दावल मुजावर (वय ११) असे त्याचे नाव असून शुक्रवारी दुपारी साडेतीनच्या सुमारास ही घटना घडली. त्यास उपचारासाठी शासकीय रूग्णालयात दाखल करण्यात आले आहे.

------------------------------

तासगावच्या वृद्धास मारहाण

सांगली : तासगाव येथील वृद्धास मारहाण करण्यात आली. ईश्वर बाबू हजारे (वय ७८) असे जखमीचे नाव असून शुक्रवारी सकाळी साडेसातच्या सुमारास ही घटना घडली. त्यांना उपचारासाठी शासकीय रुग्णालयात दाखल करण्यात आले आहे.

--------------------------------

सिंगणहळ्ळी येथील बालिकेस सर्पदंश

सांगली : सिंगनहळ्ळी (ता. जत) येथील पाचवर्षीय बालिकेस सर्पदंश झाला. समीक्षा संतोष गळवे असे तिचे नाव असून गुरुवारी रात्री पावणेबाराच्या सुमारास ही घटना घडली. नातेवाईकांनी तिला उपचारासाठी शासकीय रुग्णालयात दाखल केले आहे.

-----------------------------------

दुचाकी अपघातात एक जखमी

सांगली : धामणीजवळ दुचाकीवरून पडून झालेल्या अपघातात तरुण जखमी झाला. महेश कांबळे (रा. गव्हाणे,रत्नागिरी) असे त्याचे नाव असून गुरुवारी रात्री दहाच्या सुमारास हा अपघात घडला. त्यास उपचारासाठी शासकीय रुग्णालयात दाखल करण्यात आले आहे.

---------------------------

नांदणीच्या तरुणास मारहाण

सांगली : नांदणी (ता. शिरोळ) येथील तरुणास कुपवाड येथे मारहाण करण्यात आली. तुषार रवींद्र बिरंजे (वय २६) असे त्याचे नाव असून गुरुवारी सायंकाळी पाचच्या सुमारास ही घटना घडली. त्यास उपचारासाठी शासकीय रुग्णालयात दाखल करण्यात आले आहे.