Sangli News: मिरजेत शासकीय तंत्रनिकेतन वसतिगृहात विद्यार्थिनीची आत्महत्या, कारण अस्पष्ट
By ऑनलाइन लोकमत | Published: February 18, 2023 12:23 PM2023-02-18T12:23:46+5:302023-02-18T12:24:11+5:30
शवविच्छेदन करून रात्री उशिरा मृतदेह नातेवाइकांच्या ताब्यात देण्यात आला
Sangli News: मिरजेत शासकीय तंत्रनिकेतन वसतिगृहात विद्यार्थिनीची आत्महत्या, कारण अस्पष्ट
Next मिरज : मिरजेत शासकीय तंत्रनिकेतन महाविद्यालयाच्या वसतिगृहात श्रेया संतोष फडतरे (वय १९, रा. वडूज, जि. सातारा) या विद्यार्थिनीने खोलीत ओढणीने गळफास घेऊन आत्महत्या केली. याबाबत गांधी चौक पोलिसांत नोंद आहे.
मिरजेत शासकीय तंत्रनिकेतनध्ये तिसऱ्या वर्षात मेकॅनिकलचे शिक्षण घेणार्या श्रेया फडतरे हिने गुरुवारी दुपारी वसतिगृहातील खोलीत पंख्याला ओढणीने गळफास लावला. ही बाब तिच्या मैत्रिणींच्या निदर्शनास आल्याने तिचा गळफास काढून श्रेयाला खाली उतरवण्यात आले. महाविद्यालय प्रशासनाने तिला तातडीने उपचारासाठी मिरज सिव्हिल रुग्णालयात दाखल केले. मात्र, उपचारादरम्यान श्रेया फडतरेचा मृत्यू झाला.
श्रेयाच्या आत्महत्येची घटना समजल्यानंतर तिच्या नातेवाइकांनी मिरजेत धाव घेतली. घडलेली घटनेबाबत महाविद्यालय प्रशासनाने लवकर माहिती दिली नसल्याने नातेवाइकांनी मृतदेह ताब्यात घेण्यास नकार दिला होता. तिचे शवविच्छेदन करून रात्री उशिरा मृतदेह नातेवाइकांच्या ताब्यात देण्यात आला. तिच्या आत्महत्येचे नेमके कारण समजू शकले नाही. याबाबत गांधी चौक पोलिसांत आकस्मिक मृत्यूची नोंद करण्यात आली आहे.