इस्लामपूर येथून हरवलेला वरद सापडला, पोलिसांचे अथक प्रयत्न
By लोकमत न्यूज नेटवर्क | Published: June 5, 2019 12:06 PM2019-06-05T12:06:24+5:302019-06-05T12:07:31+5:30
सोमवारी सायंकाळपासून इस्लामपूर येथून हरवलेला वरद बाळासाहेब खामकर (वय १०) मंगळवारी रात्री इस्लामपूर पोलिसांच्या अथक प्रयत्नाने सापडला आहे. पोलीस उपअधीक्षक कृष्णात पिंगळे यांनी ही माहिती दिली.
इस्लामपूर येथून हरवलेला वरद सापडला, पोलिसांचे अथक प्रयत्न
इस्लामपूर : सोमवारी सायंकाळपासून इस्लामपूर येथून हरवलेला वरद बाळासाहेब खामकर (वय १०) मंगळवारी रात्री इस्लामपूर पोलिसांच्या अथक प्रयत्नाने सापडला आहे. पोलीस उपअधीक्षक कृष्णात पिंगळे यांनी ही माहिती दिली.
सोमवारी सायंकाळी येथील ताकारी रोडवरील खासगी क्लाससमोरून त्याला गाडीत घालून नेले होते. कोल्हापूर शिरोली एम. आय. डी.सी. परिसरातील हॉटेलमध्ये त्याला ताब्यात घेतले.
इस्लामपूर पोलीस ठाण्याचे अधिकारी नारायण देशमुख, कोमल पवार, संपत वारके व त्याच्या नातेवाईकांसोबत त्याला इस्लामपूरमध्ये रात्री २.३० च्या सुमारास सुखरूप आणण्यात आले.
इस्लामपूर पोलीस उपअधीक्षक कृष्णात पिंगळे यांच्या मार्गदर्शनाखाली ५ पोलीस पथके तपासात सक्रिय होती. सर्व इस्लामपूर परिसराचे, जिल्ह्याचे या प्रकाराकडे लक्ष लागले होते.
