सांगली- रामापूरचा तलाठी लाचलूचपतच्या जाळ्यात

सात बारा वरील इ करारची  नोंद कमी करण्यासाठी ४  हजार ५००  रुपयांची लाच घेताना रामापूर तालुका कडेगाव येथील तलाठी सुरेश सुखदेव रुपनर (वय -५१ ) या लाचखोर तलाठ्याला लाचलुचपत प्रतिबंधक

ठळक मुद्देयाप्रकरणी आरोपी सुरेश सुखदेव रुपनर याचे विरुद्ध लाचलुचपत प्रतिबंधक अधिनियमाखाली चिंचणी (वांगी ) पोलिसात गुन्हा दाखल करण्यात आला

सांगली : सात बारा वरील इ करारची  नोंद कमी करण्यासाठी ४  हजार ५००  रुपयांची लाच घेताना रामापूर तालुका कडेगाव येथील तलाठी सुरेश सुखदेव रुपनर (वय -५१ ) या लाचखोर तलाठ्याला लाचलुचपत प्रतिबंधक विभागाने पकडले  
          या तलाठ्याने रामापूर येथील एका शेतकऱ्याच्या सात - बारा उतारावरील इ कराराची नोंद कमी करण्यासाठी  ५ हजार रुपयांची मागणी केली होती. याबाबत संबधीत शेतकऱ्याने रविवार दिनांक ३० सप्टेंबर रोजी लाचलुचपत प्रतिबंधक विभागाकड तक्रार दिली होती . 
               यानंतर  लाच लाचलुचपत प्रतिबंधक  विभागाने सोमवार दिनांक १ ऑक्टोबर रोजी  सापळा लावला होता . यावेळी तक्रारदार शेतकरी यांचेकडुन  तलाठी सुरेश रुपनर याने ४ हजार ५०० रुपयांची  लाच  स्वीकारताच सापळा रचून बसलेल्या एसीबीच्या पथकाने रुपनर रंगेहात पकडले व अटक केली. 
         

 याप्रकरणी आरोपी सुरेश सुखदेव रुपनर याचे विरुद्ध लाचलुचपत प्रतिबंधक अधिनियमाखाली चिंचणी (वांगी ) पोलिसात गुन्हा दाखल करण्यात आला आहे .ही कारवाई पोलीस उप आयुक्त संदीप दिवाण ,राजकुमार गायकवाड अप्पर पोलीस उप आयुक्त लाचलुचपत प्रतिबंधक विभाग पुणे यांचे मार्गदर्शनाखाली राजेंद्र तेंडुलकर पोलीस उप अधिक्षक , अविनाश सागर ,संजय कलकुटगी ,राधिका माने ,जितेंद्र काळे ,संजय संकपाळ ,भास्कर भोरे ,बाळासाहेब पवार  यांनी केली आहे .