कुटुंबीयांना व्हिडीओ कॉल करून तरूणाने घेतली विहिरीत उडी, तीन दिवसांच्या शोध मोहिमेनंतर मृतदेह सापडला
By शरद जाधव | Published: February 1, 2023 11:35 PM2023-02-01T23:35:59+5:302023-02-01T23:36:54+5:30
पोलिसांनी दिलेली माहिती अशी की, मृत रोहित कांबळे हा आपल्या कुटुंबीयांसह संजयनगर परिसरात राहण्यास होता. रविवारी सायंकाळी पाचच्या सुमारास रोहितने उर्मिलानगर येथील विहिरीत उडी घेतली होती.
प्रतिकात्मक फोटो
Next सांगली : शहरातील उर्मिलानगरमध्ये असणाऱ्या एका विहिरीत उडी घेतलेल्या तरूणाचा मृतदेह बुधवारी शोधपथकाला आढळून आला. राेहित कांबळे, असे मृत तरूणाचे नाव आहे. कुटुंबीयांना व्हिडीओ कॉल करून रविवार (दि. २९ जानेवारी) रोजी सायंकाळच्या सुमारास त्याने विहिरीत उडी घेतल्याचेही समोर आले आहे. संजयनगर पोलिस ठाण्यात या घटनेची नोंद आहे.
पोलिसांनी दिलेली माहिती अशी की, मृत रोहित कांबळे हा आपल्या कुटुंबीयांसह संजयनगर परिसरात राहण्यास होता. रविवारी सायंकाळी पाचच्या सुमारास रोहितने उर्मिलानगर येथील विहिरीत उडी घेतली होती. यापूर्वी त्याने कुटुंबीयांना व्हिडीओ कॉल केला होता. घटनेची माहिती मिळताच संजयनगर पोलिस ठाण्याचे कर्मचारी घटनास्थळी दाखल होत त्याचा शोध सुरू करण्यात आला होता. गेल्या तीन दिवसांपासून गळाच्या साह्याने शोध सुरू होता. बुधवारी सकाळी त्याचा मृतदेह उत्तरीय तपासणीसाठी सांगलीच्या शासकीय रूग्णालयात पाठविण्यात आला. या घटनेची संजयनगर पोलिस ठाण्यात नाेंद असून, रोहितच्या आत्महत्येचे नेमके कारण समजू शकले नाही.