मराठा ऑर्गनायझेशनतर्फे वृक्ष व प्राणिमित्रांचा सन्मान

सांगली : मराठा ऑर्गनायझेशनतर्फे गुढी पाडव्याचे औचित्य साधून, जिल्हा कार्याध्यक्ष अजय शिंदे यांच्या संकल्पनेतून आष्टा येथे वृक्ष व पक्षीमित्रांचा सन्मान करण्यात आला. पक्षी आणि वृक्ष संवर्धन, संरक्षण व प्रबोधन या क्षेत्रात कार्य करत असणाऱ्या व्यक्तिंच्या कार्याचा सन्मान व्हावा, यासाठी मराठा ऑर्गनायझेशनतर्फे या कार्यक्रमाचे आयोजन करण्यात आलं.

आष्ट्याच्या नगराध्यक्षा स्नेहा माळी, माजी उपनगराध्यक्षा व विद्यमान नगरसेविका मानिषा जाधव, माजी नगरसेवक प्रभाकर जाधव, संदीप कुडचीकर, गणेश मदने, दत्तात्रय डफळे, रूपेश सावंत, श्रीधर देशमुख, ऋषिकेश वानखंडे यावेळी प्रमुख उपस्थित हाेते.

कार्यक्रमात भरत काटकर, श्रद्धा लांडे, यश मेंगाने, अमोल पाटील, श्रीकांत काटकर, प्रतीक सूर्यवंशी, राहुल सावंत यांचा सन्मान करण्यात आला. यावेळी प्रा.डॉ.मीना सुर्वे नगराध्यक्षा स्नेहा माळी, मनिषा जाधव, अजय शिंदे यांनी मार्गदर्शन केले.