आटपाडी येथे महिला काँग्रेसचे मदत केंद्र

इस्लामपूर : महिला, मुलींवर होणारे अत्याचार रोखण्यासाठी महिला काँग्रेसने आक्रमक भूमिका घेतली आहे. संकटाच्या काळात महिलांना मदत करण्यासाठी महिला काँग्रेसची मदत केंद्रे उपयुक्त ठरतील, असा विश्वास जिल्हा महिला काँग्रेसच्या अध्यक्षा अ‍ॅड. मनीषा रोटे यांनी व्यक्त केला.

आटपाडी तालुक्यात संघटित व असंघटित महिला मदत केंद्राचे उद्घाटन प्रदेश उपाध्यक्षा शैलजा पाटील व अ‍ॅड. मनीषा रोटे यांच्याहस्ते करण्यात आले. यावेळी शैलजा पाटील म्हणाल्या, काँग्रेस पक्षाच्या माध्यमातून महिलांचे सक्षमीकरण करण्याचा प्रयत्न आहे. महिलांच्या अडीअडचणी सोडविण्यासाठी त्यांच्या पाठीशी महिला काँग्रेस ठामपणे उभी राहील. यावेळी आटपाडी तालुका अध्यक्ष सोनाली चव्हाण उपस्थित होत्या.

फोटो : ०८०१२०२१-आयएसएलएम-महिला कॉँग्रेस न्यूज

ओळ : आटपाडी येथे महिला काँग्रेसच्या मदत केंद्राचे उद्घाटन शैलजा पाटील, अ‍ॅड. मनीषा रोटे यांच्याहस्ते झाले. यावेळी सोनाली चव्हाण उपस्थित होत्या.