सांगलीत भरधाव टँकरच्या धडकेत तरुण ठार

सांगली : शहरातील कुपवाड रस्त्यावरील लक्ष्मी मंदिराजवळ भरधाव पेट्रोल टँकरच्या धडकेत तरुण ठार झाला. राजेंद्र रामनाथ सराफ (वय ३६, रा. कुपवाड) असे मृत तरुणाचे नाव असून, मंगळवारी (दि. २३) रात्री दहाच्या सुमारास हा अपघात घडला. टँकरच्या धडकेत एका रिक्षाचेही नुकसान झाले. टँकरचालकाने ट्रक तिथेच सोडून पलायन केले. संतप्त जमावाने दगडफेक करीत टँकरचे नुकसान केले.

कुपवाड येथील राजेंद्र सराफ मंगळवारी रात्री साडेनऊच्या सुमारास चालत घरी निघाले होते. कुपवाड रस्त्यावरील लक्ष्मी मंदिरानजीक ते आल्यानंतर टँकरने त्यांना जोराची धडक दिली. यात जागीच त्यांचा मृत्यू झाला. टँकरचालकाचे नियंत्रण सुटल्याने त्याने तिथेच उभ्या असलेल्या रिक्षालाही धडक दिली. यानंतर चालक गाडी तिथेच सोडून पळून गेला. संतप्त नागरिकांनी टँकरवर दगडफेक केली. संजयनगर पोलीस तातडीने घटनास्थळी दाखल झाले. पंचनामा करून टँकर आणि अपघातग्रस्त रिक्षा पोलीस ठाण्यात आणली. सराफ यांचा मृतदेह विच्छेदनानंतर नातेवाइकांच्या ताब्यात देण्यात आला. संजयनगर पोलिसांनी टँकरचालकाचा शोध सुरू केला आहे.