जिल्ह्यात तीन महिन्यांत ८१ लाख दंड वसूल

सातारा : मार्च २०२१ पासून गेल्या तीन महिन्यांत कोविड-१९ या विषाणूच्या प्रादुर्भावाची दुसरी लाट लोखण्यासाठी पोलिसांनी जिल्ह्यात विनामास्क फिरणा-या ३० हजार १०९ नागरिकांवर केसेस करून ८१ लाख ४७ हजार ६०० दंड वसूल केला.

मोटार वाहन कायदयाप्रमाणे ७९ हाजर ५२९ केसेस करून १ कोटी ९२ लाख ३ हजार ४०० रुपये दंड वसूल करण्यात आला. १४ मे पासून जिल्हाधिकारी, सातारा यांच्या आदेशानुसार विनाकारण फिरणारे व ई-पासचे उल्लंघन करणा-या नागरिकांवर २ हजार ९५९ केसेस व १९ लाख २० हजार ८०० रुपये दंड वसूल करण्यात आला आहे. लग्न समारंभ, मंगल कार्यालय या ठिकाणी गर्दी जमवल्याबाबत २५ केसेस मध्ये १ लाख ९४ हजार रुपये दंड वसूल करण्यात आला आहे.