साताऱ्यातील फलटण तालुक्यात आढळला दुर्मिळ कोकिळा

मलकोहा हा खुल्या आणि झाडाझुडपांच्या जंगलातील पक्षी आहे.

सूर्यकांत निंबाळकर

आदर्की : फलटण तालुक्यात दुर्मिळ प्रजातीचा ब्लू फेस मलकोहा blue faced malkoha (Phaenicophaes viridirostris) हा पक्षी आढळला. नेचर ॲण्ड वाइल्डलाइफ वेल्फेअर सोसायटी (NWWS)मधील वन्यजीव अभ्यासक बोधीसागर निकाळजे, ऋषिकेश शिंदे, गणेश धुमाळ, रवी लिपारे यांना हा कोकिळा पक्षी निरीक्षण करत असताना निदर्शनास आला.

निळ्या चेहऱ्याचा मलकोहा लहान हिरवा-बिल असलेला मलकोहा, भारत आणि श्रीलंकेच्या द्विपकल्पीय आणि पानझडी जंगलात आढळणारी एक नॉन-परजीवी कोकिळा आहे. तिच्या वरच्या भागावर मेणासारखा, गडद, निळा-राखाडी पिसारा असतो आणि त्याला पांढऱ्या-टिपलेल्या पंखांसह लांब शेपटी असते. घसा आणि हनुवटी काटेरी फिकट गुलाबी पंखांनी गडद असतात. खालचे पोट निस्तेज क्रीमी ते रुफस रंगाचे असते. बिल सफरचंद हिरवे आहे आणि डोळ्याभोवती निळ्या त्वचेचा नग्न पॅच आहे. निळ्या चेहऱ्याचा मलकोहा हा खुल्या आणि झाडाझुडपांच्या जंगलातील पक्षी आहे.

हा पक्षी फलटण परिसरामध्ये आढळल्याने हा तालुका जैवविविधतेने संपन्न असून, वृक्षतोड व वणवे थांबवून तसेच परिसरातील माळराने, खुरटी जंगले यांचे संवर्धन करून जास्तीत जास्त स्थनिक प्रजातींचे वृक्षारोपण करून आपल्याला अशा वन्यजीवांचे संवर्धन केले पाहिजे, असे जाहीर आवाहन संस्थेच्यावतीने करण्यात आले.