वाखरीफाटा येथे अपघात : एक जण ठार

फलटण : फलटण-पुसेगाव रोडवर वाखरी (ता. फलटण) येथील वाखरीपाटी येथे चारचाकी व दुचाकी यांच्यात झालेल्या अपघातात दुचाकीस्वाराचा मृत्यू झाला आहे. रोहिदास धनाजी लोखंडे (वय ५५, रा. ढवळ, ता. फलटण) असे संबंधित दुचाकीस्वाराचे नाव आहे.

याबाबत फलटण ग्रामीण पोलीस ठाण्यातून मिळालेली माहिती अशी की, फलटण-पुसेगाव रोडवर वाखरीपाटी येथे मंगळवार, दि. १६ मार्च रोजी ७ वाजण्याच्या सुमारास रोहिदास धनाजी लोखंडे हे दुचाकी (एमएच ११ बीजे ७६७४) वरून फलटणहून घरी निघाले होते. तेव्हा त्यांना फलटणकडे निघालेल्या चारचाकी (एमएच ११ बीव्ही ८२७७) ने विरोधी साइडने येऊन जोराची धडक दिली. या अपघातात रोहिदास लोखंडे हे गंभीर जखमी होऊन त्यांचा मृत्यू झाला. या अपघातप्रकरणी कारचालक मेघनाथ विलास तांबे (रा. ढवळ ता. फलटण) यांच्या विरुद्ध फलटण ग्रामीण पोलीस ठाण्यात गुन्हा नोंद झाला आहे. याबाबतची फिर्याद तुषार सुरेश लोखंडे (वय ३० रा. ढवळ ता. फलटण) यांनी दिली असून, अधिक तपास पोलीस हवालदार कदम करीत आहेत.