११ वर्षांपासून फरार आरोपीस अटक, फलटण पोलिसांना यश
By लोकमत न्यूज नेटवर्क | Published: July 7, 2021 02:23 PM2021-07-07T14:23:24+5:302021-07-07T14:33:33+5:30
Crimenews satara : दोन खून व अत्याचाराच्या गुन्ह्यात पाहिजे असलेल्या आरोपीस फलटण शहर पोलिसांना जेरबंद करण्यात यश आले आहे. ११ वर्षांपासून फरार असलेल्या या आरोपीस पोलिसांनी इंदापूर तालुक्यात जाऊन पकडले.
११ वर्षांपासून फरार आरोपीस अटक, फलटण पोलिसांना यश
Next
ठळक मुद्दे११ वर्षांपासून फरार आरोपीस अटक अपहरण,बलात्काराचा गुन्हाही दाखल
फलटण : दोन खून व अत्याचाराच्या गुन्ह्यात पाहिजे असलेल्या आरोपीस फलटण शहर पोलिसांना जेरबंद करण्यात यश आले आहे. ११ वर्षांपासून फरार असलेल्या या आरोपीस पोलिसांनी इंदापूर तालुक्यात जाऊन पकडले.
केनशा भगवान काळे असे त्याचे नाव आहे. २०१० साली सोनवडी, ता. फलटण येथे घडलेल्या खून प्रकरणातील हा आरोपी गेल्या ११ वर्षांपासून फरार होता.
२०१९ साली या आरोपीविरुद्ध लोणंद पोलीस स्टेशन अंतर्गत आणखी एक खुनाचा गुन्हा दाखल करण्यात आला होता. तसेच २०१९ मध्ये फलटण ग्रामीण पोलीस स्टेशन अंतर्गत अपहरण व बलात्काराचा गुन्हाही या आरोपीवर दाखल करण्यात आला होता.
