अंगणवाडीला संरक्षक भिंतीसह फरशी

येथील संभाजीराजे कॉलनीतील दिवंगत रघुनाथ खाशाबा पवार चॅरिटेबल ट्रस्ट विधायक कार्यक्रमात नेहमीच अग्रभागी असते. रक्तदान शिबिरे, महापूर काळात ब्लँकेट वाटप, पूर परिस्थितीमुळे अडकून पडलेल्या ट्रक चालकांना अन्नदान, चहा, नाष्ट्याची सोय, बालसुधारगृहातील विद्यार्थ्यांना अन्नदान, विविध क्रीडा स्पर्धांचे आयोजन करून त्यांना पारितोषिकांचे वाटप, कोरोना काळात गरजूंना घरपोच धान्य कीट वाटप, मास्क, सॅनिटायझर वाटप, वाटसरूंसाठी पाणपोई, समाज प्रबोधनासाठी कीर्तन अशा विविध कार्यात ट्रस्टचा नेहमी सहभाग असतो. वडील दिवंगत रघुनाथ पवार यांच्या द्वितीय पुण्यस्मरणानिमित्त यावर्षीही विविध कार्यक्रम घेण्यात येणार होते. मात्र, आगाशिवनगर येथील अंगणवाडी सेविकांनी अंगणवाडीसाठी संरक्षक भिंत व फरशीचे काम करून देण्याची पवार बंधूंकडे विनंती केली. त्या विनंतीला मान देऊन त्यांनी अंगणवाडीच्या कुंपणाचे व विद्यार्थ्यांना बसण्यासाठी फरशीचे काम करून दिले.

यावेळी ट्रस्टचे सचिव राजेश पवार, खजिनदार सुरेश पवार, बाळासाहेब घाडगे, अण्णासाहेब काशीद, शंकर बेले, संतोष फुके, प्रकाश फुके, सुरेश खिलारे, विवेक चव्हाण, विश्वास चव्हाण, हर्षवर्धन सावंत, प्रवीण साठे, निखिल गायकवाड, संकेत जाधव तसेच अंगणवाडी सेविका श्रीमती स्वामी, स्वाती खिलारे यांची उपस्थिती होती.