गावाच्या विकासासाठी एकसंध राहावे

तांबवे : गावाच्या विकासकामांसाठी सर्वांना बरोबरीने घेऊन काम करावे, गावचा विकास हाच आमचा ध्यास आहे, असे प्रतिपादन राष्ट्रवादी काँग्रेसचे सरचिटणीस सारंग पाटील यांनी केले.

आबईची वाडी, ता. कऱ्हाड येथे खासदार श्रीनिवास पाटील यांच्या फंडातून उभारण्यात येणाऱ्या सभामंडप भूमिपूजनावेळी ते बोलत होते. यावेळी पाटणचे राष्ट्रवादी काँग्रेसचे अध्यक्ष राजाभाऊ काळे, सह्याद्री कारखान्याचे संचालक पांडुरंग चव्हाण, सरपंच अंकिता सुर्वे, उपसरपंच अशोक माने, ग्रामपंचायत सदस्य भगतसिंग महाडिक, दादासाहेब माने, किशोर जाधव, सुरेखा काटकर, शीतल कोकरे, मनीषा चव्हाण, रूपाली सुर्वे, अंकुश काटकर, तानाजी सुर्वे, सुनील सुर्वे, दशरथ येडगे, बाबूराव नांगरे यांची उपस्थिती होती.

सारंग पाटील म्हणाले, गटातटाचे राजकारण केल्यास गावाच्या विकासाला बाधा पोहोचते, तसेच गावाच्या प्रगतीचा आलेख मंदावतो. त्यामुळे राजकारण बाजूला ठेवून सर्वांनी गावाच्या भल्यासाठी एकत्रित येण्याची गरज आहे. सर्वसमावेशक प्रयत्न केल्यास गावाचा कायापालट होण्यास वेळ लागणार नाही.

यावेळी राजभाऊ काळे, पांडुरंग चव्हाण यांनी मनोगत व्यक्त केले. स्वागत उपसरपंच अशोक माने यांनी केले. आभार सरपंच अंकिता सुर्वे यांनी मानले.

फोटो : २४केआरडी०१

कॅप्शन : आबईची वाडी, ता. कऱ्हाड येथे सारंग पाटील यांच्या हस्ते सभामंडप बांधकामाचे भूमिपूजन पार पडले.