भांडण सोडवायला गेलेल्यांना मारहाण

सातारा : मुलीसोबत सासरचे लोक भांडत असल्याने ते सोडविण्यासाठी तिच्या घरी गेलेल्या लोकांना मारहाण करण्यात आल्याची घटना धनगरवाडी (ता. सातारा) येथे घडली. याप्रकरणी सहा जणांवर सातारा शहर पोलीस ठाण्यात गुन्हा नोंद करण्यात आला आहे.

याबाबत पोलिसांनी दिलेली माहिती अशी की, याप्रकरणी लता दिलीप चव्हाण (रा. चाफळ, ता. पाटण) यांनी तक्रार दिली आहे. या तक्रारीवरून लक्ष्मण हणमंत साठे, श्याम हणमंत साठे, राम हणमंत साठे, गणेश चंद्रकांत खुडे, सुनीता राम साठे, मीना हणमंत साठे (सर्व रा. धनगरवाडी) यांच्यावर गुन्ह दाखल झाला आहे.

तक्रारदारांची मुलगी सविता हिच्यासोबत सासरची मंडळी भांडत असत. भांडण मिटावे म्हणून त्या पती दिलीप चव्हाण, मुलगा राहुल चव्हाण यांच्यासह सविता यांच्या सासरच्या घरी गेले होते. यावेळी सहा जणांनी संगनमताने मारहाण केली, असे या तक्रारीत म्हटले आहे. याप्रकरणी सहायक पोलीस निरीक्षक प्रशांत बधे हे तपास करत आहेत.

\\\\\\\\\\\\\\\\\\\\\\\\\