रघुनाथपुरा पेठेत रक्तदान शिबिर उत्साहात

सातारा : आमदार शिवेंद्रसिंहराजे भोसले यांच्या वाढदिवसानिमित्ताने बाबाराजे युवा प्रतिष्ठान, श्री बाळासाहेब भुजबळ मित्र समूह, श्री निशिकांत पिसाळ मित्र समूह आणि माऊली ब्लड बँक सातारा यांच्या संयुक्त विद्यमाने साताऱ्यातील रघुनाथपुरा पेठेत रविवारी रक्तदान शिबिर आयोजित केले होते. यामध्ये ६५ जणांनी रक्तदान केले.

रक्तदान शिबिराचे उद्घाटन माजी उपनगराध्यक्ष नगरसेवक अमोल मोहिते, जनता सहकारी बँकेचे संचालक फिरोज पठाण यांच्या हस्ते करण्यात आले. रक्तदान हेच श्रेष्ठदान मंत्राचा जप करत ६५ जणांनी रक्तदान केले. यामध्ये महिलांनीही रक्तदान करत आदर्श घालून दिला.

शिबिर यशस्वी करण्यासाठी निशिकांत पिसाळ मित्र समूहाचा सिंहाचा वाटा राहिला. सर्व रक्तदात्यांचे शिवेंद्रसिंहराजे भोसले, वेदांतीकाराजे भोसले यांनी कौतुक केले. रक्तदान शिबिराला विविध मान्यवरांनी भेट देऊन कौतुक केले. बाबाराजे युवा प्रतिष्ठानच्या वतीने स्वागत करण्यात आले. (वा. प्र.)

फोटो

३०ब्लड डोनेशन

साताऱ्यातील रघुनाथपुरा येथे आयोजित रक्तदान शिबिराचे उद्घाटन करताना अमोल मोहिते, फिरोज पठाण, बाळासाहेब भुजबळ आदी.