विकलेले घर परत घेण्यासाठी युवकाला मारहाण, दोघांविरुद्ध गुन्हा दाखल

याबाबत पोलिसांनी दिलेली माहिती अशी, शरद नारायण फडतरे (रा. दौलतनगर, सातारा) यांच्या वडिलांनी त्यांचे घर उदय बाबू पुजारी (वय ३५, रा. दौलतनगर, सातारा) यांना विकले आहे.

सातारा : वडिलांनी विकलेले घर परत न दिल्याने रागाच्या भरात युवकाला बेदम मारहाण केल्याची घटना दौलतनगर येथे घडली. याप्रकरणी शाहुपुरी पोलीस ठाण्यात दोघांवर गुन्हा दाखल झाला आहे.

याबाबत पोलिसांनी दिलेली माहिती अशी, शरद नारायण फडतरे (रा. दौलतनगर, सातारा) यांच्या वडिलांनी त्यांचे घर उदय बाबू पुजारी (वय ३५, रा. दौलतनगर, सातारा) यांना विकले आहे. हे घर पुजारी यांच्याकडून परत घेण्यासाठी शरद फडतरे याने त्याला विचारले. घर परत देण्यास पुजारी यांनी नकार देताच चिडलेल्या शरद फडतरेने आणि त्याच्यासोबत असलेल्या अन्य एका साथीदाराने पुजारीला बेदम मारहाण केली. पुजारी याच्या हातास, हनुवटीस, पाठीवर, खांद्यावर मार लागला आहे. पुजारी याने तक्रार दिल्यानंतर शरद फडतरे याच्यासह त्याच्या साथीदारावर पोलिसांनी गुन्हा दाखल केला.