कऱ्हाडला शिवजयंती उत्साहात साजरी

शिवजयंतीनिमित्त येथील दत्त चौकातील छत्रपती शिवाजी महाराज यांच्या अश्वारुढ पुतळ्यासमोर विविध गडांवरुन आणलेल्या मशाली ठेवण्यात आल्या होत्या. शिवभक्तांच्या गर्दीने संपूर्ण परिसर शिवमय झाला होता. पांरपरिक वेशभूषा करून आलेल्या महिला, तरुणी, युवक, बालचमू हातात भगवे ध्वज घेऊन शिवरायांचा जयजयकार करत होते.

भाजपचे शहराध्यक्ष एकनाथ बागडी, प्रशांत कुलकर्णी, शिवसेनेचे रामभाऊ रैनाक, राजेंद्र माने, शशिकांत हापसे, लोकशाही आघाडीचे सुभाषराव पाटील, नगरसेवक सौरभ पाटील, नंदकुमार बटाणे, तहसीलदार अमरदीप वाकडे, आदींनी छत्रपती शिवाजी महाराज यांना अभिवादन केले.

दरम्यान, खासदार श्रीनिवास पाटील यांनी छत्रपती शिवाजी महाराजांच्या प्रतिमेस त्यांच्या गोटे (कऱ्हाड) येथील लोकसेवा जनसंपर्क कार्यालयात पुष्पहार अर्पण करून अभिवादन केले. यावेळी सारंग पाटील यांच्यासह स्थानिक पदाधिकारी उपस्थित होते.

फोटोओळ : शिवजयंतीनिमित्त छत्रपती शिवाजी महाराज यांच्या अश्वारुढ पुतळ्यास अभिवादनप्रसंगी पालकमंत्री बाळासाहेब पाटील व कार्यकर्ते.