कोयनानगर परिसरात भूकंपाचा अतिसौम्य धक्का

कोयनानगर परिसरात सोमवारी सकाळी २.६ रिश्टर स्केलचा भूकंपाचा धक्का जाणवला. अतिसौम्य प्रकाराचा हा धक्का होता.

ठळक मुद्देकोयना परिसरात भूकंपाचा धक्काकाडोली गावच्या आग्नेयेस ६ किलोमीटरवर केंद्रबिंदू

सातारा : कोयनानगर परिसरात सोमवारी सकाळी २.६ रिश्टर स्केलचा भूकंपाचा धक्का जाणवला. अतिसौम्य प्रकाराचा हा धक्का होता.

पाटण तालुक्यातील कोयनानगर परिसरात वारंवार भूकंपाचे धक्के जाणवत असतात. सोमवारी सकाळी ७ वाजून ५५ मिनीटांनी २.६ रिश्टर स्केलचा भूकंप झाला. कोयना परिसरातच हा अतिसौम्य प्रकारातील धक्का जाणवला. या भूकंपाची खोली ५ किलोमीटर होती.

कोयनेपासून १४.४ तर पाटण तालुक्यातील काडोली गावाच्या आग्नेयेस ६ किलोमीटरवर भूकंपाचा केंद्रबिंदू होता. कोयना परिसरात वारंवार भूकंपाचे धक्के जाणवत असतात. गेल्या काही महिन्यात अतिसौम्य प्रकारचे भूकंपाचे अनेक धक्के जाणवले आहेत. यामुळे कोठेही नुकसान झालेले नाही.