सुसाईड नोट ठेवून गायब झालेले माजी सैनिक कुटुंब परतलं

सावकाराच्या त्रासाला कंटाळून ४ जुलैपासून साताऱ्यातून गायब झालेलं माजी सैनिक राहुल आढाव कुटुंबासह शाहूपुरी पोलीस ठाण्यात मंगळवारी दुपारी हजर झाले.

ठळक मुद्देसावकाराच्या त्रासाला कंटाळून ४ जुलैपासून साताऱ्यातून गायब झालेलं माजी सैनिक राहुल आढाव कुटुंबासह शाहूपुरी पोलीस ठाण्यात मंगळवारी दुपारी हजर झाले. राहुल आढाव हे ४ जुलै रोजी पत्नी, दोन मुलींसमवेत घरातून गायब झाले होते.

सातारा, दि. 1- सावकाराच्या त्रासाला कंटाळून ४ जुलैपासून साताऱ्यातून गायब झालेलं माजी सैनिक राहुल आढाव कुटुंबासह शाहूपुरी पोलीस ठाण्यात मंगळवारी दुपारी हजर झाले. राहुल आढाव हे ४ जुलै रोजी पत्नी, दोन मुलींसमवेत घरातून गायब झाले होते. घर सोडून जाण्यापुर्वी त्यांनी आत्महत्या करत असल्याची चिठ्ठी लिहून ठेवली होती. 

दरम्यान, हे कुटुंब केरळमध्ये होते. तेथून एका ट्रकने ते मंगळवारी साताऱ्यात आले. महामार्गावर उतरून एका रिक्षामधून ते शाहूपुरी पोलीस ठाण्यात हजर झाले. आजीला पाहताच दोन्ही मुलींनी टाहो फोडला.