सातारा-लोणंद रस्त्यावरील खड्डे मुजविण्याचे काम
By लोकमत न्यूज नेटवर्क | Published: May 28, 2021 04:28 AM2021-05-28T04:28:10+5:302021-05-28T04:28:10+5:30
शिवथर : सातारा ते लोणंद रस्त्यावर आरफळ फाट्यानजीक पडलेल्या खड्ड्यांचे वृत्त प्रसिद्ध होताच पाच दिवसांत संबंधित विभागाने खड्डे मुजवण्याचे ...
शिवथर : सातारा ते लोणंद रस्त्यावर आरफळ फाट्यानजीक पडलेल्या खड्ड्यांचे वृत्त प्रसिद्ध होताच पाच दिवसांत संबंधित विभागाने खड्डे मुजवण्याचे काम सुरू केल्याने वाहनचालक व नागरिकांनी समाधान व्यक्त केले.
दि. १९ मे रोजी ‘लोकमत’मध्ये आरफळ फाट्यानजीक पडलेल्या मोठ्या खड्ड्यांचे वृत्त प्रसिद्ध झाले होते. यावेळी या रस्त्यावरून प्रवास करणाऱ्या वाहनचालकांना मागील दिवस पुढे येतात की काय, असे वाटले होते. सातारा ते लोणंद तसेच फलटण रस्त्याला जवळजवळ ७० ते ८० गावे व वाड्या-वस्त्या आहेत. या गावातील लोकांचा संपर्क कोणत्या ना कोणत्या कारणाने सातारा शहराशी येत असतो. यावेळी या रस्त्यावरून प्रवास करावा लागतो. परंतु पहिल्याच वळवाच्या पावसाने या रस्त्यावर खड्डे पडल्यामुळे वाहनचालकांमध्ये नाराजी होती. परंतु या खड्ड्याची बातमी प्रसिद्ध होताच संबंधित ठेकेदारांनी याची दखल घेत पाच दिवसांत खड्डे मुजवण्याचे काम हाती घेतल्यामुळे या भागातील लोकांनी तसेच वाहनचालकांनी समाधन व्यक्त केले आहे.