साता-यात गोदामामध्ये भीषण अग्नितांडव

पुणे- बंगळुरू राष्ट्रीय महामार्गावर शिरवळ येथील एका भंगाराच्या गोदामात भीषण आग लागल्याची घटना समोर आली आहे.

शिरवळ (सातारा) : पुणे- बंगळुरू राष्ट्रीय महामार्गावर शिरवळ येथील एका भंगाराच्या गोदामात भीषण आग लागल्याची घटना समोर आली आहे. शनिवारी (31 मार्च) पहाटे 5 वाजण्याच्या सुमारास ही घडना घडली आहे. प्रभातफेरीसाठी गेलेल्या स्थानिकांच्या ही बाब निदर्शनास आल्यानंतर याची माहिती गोदाम मालक अमीर शेखला दिली. तोपर्यंत आगीनं रौद्ररुप धारण केले होते.  

यानंतर अग्निशमन दलाला पाचारण करण्यात आले. आगीवर नियंत्रण मिळवण्याचे अथक प्रयत्न सध्या सुरू आहेत. वाई पालिका व भुईंज येथील किसन वीर साखर कारखान्याचे अग्निशमन बंबदेखील घटनास्थळी दाखल झाले आहेत. आग लागण्यामागील नेमके कारण काय आहे?,  याची माहिती अद्याप स्पष्ट झालेली नाही.