रक्ताला जात, धर्म अन् पंत नसतो...

लोकमत न्यूज नेटवर्क

मलटण : ‘रक्ताला जात, धर्म, पंथ नसतो, रक्त गरीब अथवा श्रीमंत नसते, रक्तात असते ती फक्त माणुसकी. रक्त ही अशी एकमेव गोष्ट आहे, जी आपण सहज दान करू शकतो. ‘लोकमत’तर्फे राज्यभर राबवण्यात आलेल्या ‘लोकमत रक्ताचं नातं’ हे शिबिर कौतुकास्पद आहे, अशा उपक्रमात समाजातील सर्व घटकांनी सामील व्हायला हवे,’ असे मत जिल्हा परिषद सदस्या व स्वराज फाउंडेशन अध्यक्षा जिजामाला नाईक-निंबाळकर यांनी व्यक्त केले.

सुरवडी (ता. फलटण) येथे ‘लोकमत रक्ताचं नातं’ या शिबिरांतर्गत स्वराज फाउंडेशन, ग्रामपंचायत सुरवडी, युवाग्राम संस्था सातारा व मुस्कान फाउंडेशन यांच्या संयुक्त विद्यमाने आयोजित रक्तदान शिबिराचे आयोजन करण्यात आले होते. यावेळी ग्रामस्थांसह युवकांनी मोठ्या संख्येने सहभाग घेतला. यावेळी त्या बोलत होत्या.

सर्वप्रथम ‘लोकमत’चे संस्थापक संपादक दिवंगत जवाहरलालजी दर्डा यांच्या प्रतिमेचे पूजन करून व मान्यवरांच्या हस्ते दीपप्रज्वलन करून रक्तदान शिबिराचे उद्घाटन करण्यात आले.

‘रक्त ही अशी एकमेव गोष्ट आहे की, ते कुठेही तयार करता येत नाही. कोरोनाच्या पार्श्वभूमीवर राज्यभर रक्ताचा तुटवडा असताना ‘लोकमत’च्या या उपक्रमास सामाजिक संस्थांची साथ मोलाची ठरत आहे,’ असे प्रतिपादन तहसीलदार समीर यादव यांनी केले.

यावेळी फलटण पंचायत समिती सदस्या लता कोळेकर, मराठी पत्रकार परिषदेचे अध्यक्ष रमेश आढाव, युवाग्राम संस्थाध्यक्ष गणेश वाघमारे, भाजप जिल्हा उपाध्यक्ष जयकुमार शिंदे, गटनेते अशोकराव जाधव, स्वराज पतसंस्था चेअरमन अमरसिंह नाईक-निंबाळकर, सुरवडीचे सरपंच जितेंद्र साळुंखे-पाटील, उपसरपंच दीपक साळुंखे-पाटील, उपविभागीय पोलीस अधिकारी तानाजी बरडे, पोलीस उपनिरीक्षक उस्मान शेख, बजरंग गावडे, अमोल सस्ते, ग्रामसेवक शिवाजी राऊत, नगरसेवक सचिन अहिवळे, डॉ. प्रवीण आगवणे, सुनील जाधव, सिराज शेख, राजेंद्र काकडे, वसंतराव ठोंबरे, शंकरराव दडस, सुधीर करळे, विक्रांत झणझणे, श्रीरंग पवार, सूर्यकांत निंबाळकर, बाळासाहेब जगताप, संदीप सगरे, युवराज पवार, शक्ती भोसले, विशाल नलवडे, किरण जाधव, अलंकार भोईटे, वैभव झणझणे, सुकुमार राणे, आबा शिंदे, सुनील कळसकर, त्रिंबक डोंबाळे, सतीश वावरे, विकास लोखंडे, शिवाजीराव जाधव आदी मान्यवर उपस्थित होते. या कार्यक्रमाचे संयोजन अमित रणवरे व वसीम इनामदार यांनी केले. ग्रामपंचायत सुरवडी व सर्व सदस्य यांनी मोलाचे सहकार्य केले. शिवानी पावटे यांनी आभार मानले.

150721\img-20210714-wa0161.jpg

सुरवडी येथील रक्तदान शिबिराचे उदघाटन करताना मान्यवर