शिंदी बुद्रुक येथे गौतम बुद्धांना अभिवादन

वरकुटे-मलवडी : अखंड विश्वाला शांती आणि समतेचा संदेश देणारे तथागत गौतम बुद्ध यांना वैशाख पौर्णिनिमित्त त्यांच्या जयंतीदिनी शिंदी बुद्रुक (ता. माण) येथे त्रिसरण पंचशील ग्रहन करून अभिवादन करण्यात आले.

सातारा जिल्ह्यासह संपूर्ण माण तालुक्यात कोरोना या संसर्गजन्य रोगाच्या पार्श्वभूमीवर असणाऱ्या कडक लॉकडाऊनमुळे जनजीवन ठप्प झाले आहे. सामान्य शेतकरी, शेतमजूर, ऊसतोड कामगार यांना रोजगार मिळत नसल्यामुळे दैनंदिन जीवन जगत असताना अनेक अडचणी भासत असल्याने शिंदी बुद्रुक येथील सामाजिक कार्यकर्ते किरण खरात यांनी मदतीचा हात म्हणून मजूर, कष्टकरी वर्गातील ८० कुटुंबांना जीवनावश्यक वस्तूंचे किट बनवून मोफत वाटप करण्यात आले. त्या बरोबरच कोरोनाशी सामना करत असताना सर्व शासकीय नियमांचे काटेकोर पालन करण्याचे आव्हानही संविधान मित्र मंडळ शिंदी बुद्रुक यांच्यातर्फे ग्रामस्थांना करण्यात आले. याप्रसंगी उपक्रम यशस्वी करण्यासाठी शिंदी बुद्रुक येथील संविधान मित्रमंडळ यांनी परिश्रम घेतले.