यशवंतराव चव्हाण स्मृतिस्थळी पालकमंत्र्यांचे अभिवादन

यावेळी बोलताना मंत्री बाळासाहेब पाटील म्‍हणाले, ‘देशाचे थोर नेते यशवंतरावजी चव्हाण यांची आज १०८ वी जयंती कऱ्हाड परिसरामध्ये साजरी होत आहे. या कऱ्हाड आणि परिसरातून त्‍यांनी नेतृत्‍व करण्यास सुरुवात केली. महाराष्‍ट्र राज्‍याची स्‍थापना होण्यासाठी आणि झाल्‍यानंतरही खऱ्याअर्थाने पुरोगामी आणि आधुनिक विचारांचा महाराष्‍ट्र झाला पाहिजे, यासाठी त्‍यांनी विशेष प्रयत्‍न केले. त्‍या माध्यमातून राज्‍याचे नेतृत्‍व केले. देशाच्या संरक्षण मंत्रीपदीही त्‍यांनी आपल्‍या कामाचा ठसा उमटविला. त्‍यांच्या पुरोगामी विचारांनी महाराष्‍ट्र पुढे जात आहे.

यावेळी सातारा जिल्हा राष्ट्रवादी काँग्रेसचे अध्यक्ष सुनील माने, सातारा जिल्हा परिषदेचे शिक्षण व अर्थ समिती सभापती मानसिंगराव जगदाळे, कऱ्हाड नगरपरिषदेचे विरोधी पक्षनेते सौरभ पाटील, पंचायत समिती सदस्य रमेश चव्हाण, राष्ट्रवादी काँग्रेसचे आयटी सेलचे अध्यक्ष सारंग पाटील, नंदकुमार बटाणे, प्रांताधिकारी उत्तम दिघे, तहसीलदार अमरदीप वाकडे, तसेच कऱ्हाड नगरपरिषदेचे आजी-माजी नगरसेवक उपस्थित होते.

फोटो :

कऱ्हाड येथे शुक्रवारी यशवंतराव चव्हाण यांच्या स्मृतिस्थळी अभिवादन करताना पालकमंत्री बाळासाहेब पाटील, यावेळी खासदार श्रीनिवास पाटील व मान्यवर उपस्थित होते.